صراع اخواني سلفي علي امامة صلاة العيد

ما حدث اليوم من اشتباكات كادت ان تصل الي ايذاء بدني بين انصار الشيخ / فوزي المنتمي الي جماعة الاخوان المسلمين وانصار الشيخ / منعم عبد المبدئ المنتمي للجماعة السلفية ببورسعيد ذلك الاشتباك يجعلنا نقف طويلا امام نقطة غاية في الاهمية
هل ما حدث اليوم من صراع علي اقامة صلاة العيد هو غيرة علي شرع الله؟ ام انه صراع علي الظهور وحب الاضواء ؟!!
والروايا كما جائت عن صاحبها باحدي صفحات التواصل الاجتماعي facebook كالتالي :-

شهاده حق من فوق المنصه ده الشيخ فوزي من الاخوان وكان مكلف من وزاره الاوقاف بامامه صلاه العيد لكن الشيخ منعم كان موجود وهو اللي كان بيكبر قبل الصلاه علي اساس ان الاتفاق علي حسب قول الشيخ فوزي ان الشيخ منعم هو اللي هيكبر والشيخ فوزي هو اللي هيأم المصلين ويقول الخطبه لكن اللي حصل بمجرد ماقال الشيخ منعم استقيموا للصلاه وصاح الشيخ فوزي انا اللي مكلف بالصلاه وكررها كذا مره وحاول احد انصار الشيخ منعم باسكاته لان الصلاه بطبيعه الحال بدأت ولكن لم يهدأ وكرر الصياح والجميع يصلي خلف الشيخ منعم وظل يصيح: الشيخ منعم يريد فتنه في بورسعيد اشهدوا ياهل بورسعيد والصلاه قائمه ولم يكن حوله سوي انا و3 اشخاص اخرين نحاول تهدأته والجميع يصلي ولكنه لم يسكت حتي خلصت الصلاه بمجرد ان انتهت الصلاه وفاجانا انصار الشيخ منعم يحاولون الاعتداء علي الشيخ فوزي ولكن الحمد لله اخرجناه انا وبعض الشيوخ الموجودين وكانها معركه وليست صلاه عيد .
وهنا انقسم المصلون فريقين : الفريق الاول مؤيد للشيخ منعم ويقولون انهم اتوا ليصلوا خلف الشيخ منعم وليس احد اخر اينن كان
والفريق الاخر معارض للشيخ منعم ومؤيد للشيخ فوزي علي اساس انه مكلف فعلا من وزاره الاوقاف وبالفعل اخرجنا الشيخ فوزي باعجوبه من بين انصار الشيخ منعم .
اللي عايز اقوله ان اللي حصل النهارده ده وانا شفته بعيني بياكدلي حاجه واحده بس ان بجد "الدين معامله"
دول لو كانوا شويه بلطجيه كفار بيتخانقوا مع بعض وشافوا منظر الناس وهي بتصلي كان حد فيهم اتنازل للتاني احترام للصلاه وللناس الموجوده لكن اللي حصل عكس كده خالص واحد بيصلي بالناس عافيه والتاني بيعلي صوته علشان يلغوش عليه الصلاه وحاجه قله ادب بصراحه
ومراسلنا: احمد الشربينى
ملخص اللى حصل النهاردة فى مركز شباب الزهو وانا كنت واحد من اللى بيصلو فى الصف الأول
الساعة 6.20 اجي واحد بعمه وقفطان وقال انا اللى هصلي بيكم انا امام من الأوقاف منتدب الناس قالولو لا الشيخ منعم هو اللى هيصلى بينا قلهم لا وقعد يزعق ويتشاكل المهم الناس خدوه في جمب والشيخ قام الصلاة واحنا بنصلي عمال يقول الصلاة باطلة غير جائزة اغتصب مني الصلاة وعايز يضرب الشيخ منعم وياخد المايك منه وهو بيصلى وقاعد يصوت ويصرخ ويشتم ويقول انا الأمام المنتدب صلاتكم باطلة اخذها مني
بعض الصلاة انا واحد من الناس مكنتش مركز وعمال ابص عليه وضيع مني الصلاة خالص قمت روحت بتكلم معاه لاقيت صوته عالى وبيتشاكل وعمال يزعق قمت مزعق معاه وبقي الموضوع فعلا هرج ومرج ... بس حتي لو كان بتاع الأوقاف هو المنتدب الناس راحه هناك علشان تصلى ورا الشيخ منعم وهو القائم على الأمر والأوقاف معملتش اي حاجة وبعدين تعالا نقول ان الشيخ وحش واخد الإمامة المفروض انا شيخ اول ما اسمع الله اكبر خلاص اسكت وخش صلى وسيب الناس تصلى وبعد كده عاتبه وقول اللى انت عايزه خلى ناس تتشاكل مع الشيخ منعم وعملنا عليه ديره حمناه بعض الخطبة وركبنا العربية ومشنا وقعادنا نصلحه .. بس هما فعلان من الأخوان لان كانو كتير اوي النهاردة .... ومن امتي هما بتوع منابر ربنا يسامحه على اللى عمله معانا وضيع فرحتنا
وده الموضوع بصدق والله واسأل اي حد كان واقف فى الصف الأول وشاف المنظر انا حبيت اقولك علشان تعرف الناس الحقيقة وشكرا

لقراءة الموضوع من مصدرة الاصلي اضغط هنا