رصدت مدونة the true 25 jun ورقة معلقة علي احد ابواب المنازل مكتوب عليها عفواً لا ندفع فواتير (غاز مياه-كهرباء) اضراب عام من 11 فبراير وحتي اسقاط النظام(يسقط حكم العسكر)
وكان ردهم عبر مواقع التواصل الاجتماعي :
لو حد قالك إن العصيان المدنى هيخسر مصر مليار فمبارك سارق منا 70 مليار .لو حد قالك إن العصيان المدنى هيخسر مصر مليار فالإنفلات الامنى بيخسر السياحة 70 مليار .لو حد قالك إن العصيان المدنى هيوقع البورصة ففلوس البورصة بتاعة رجالة مبارك مش بتاعتك .لو حد قالك إن العصيان المدنى هيجوعنا وهيوقف حالنا وهيخرب بيتنا قوله هنرجع بيه فلوس الأرامل واليتامى فى التأمينات والمعاشات اللى سرقها بطرس غالى وبيتفسح بيها فى أوروبا .لو حد قالك إن العصيان المدنى هيسقط الدولة والجيش قوله دا عمل سلمى وحماية لينا عشان منتحولش لسوريا أو ليبيا .لما حد يسألك إنت ليه زعلان من المجلس العسكرى مع أنه يومين وهيمشى قوله دا ورط جيشنا يعرى بناتنا ويدهس بمدرعاته شبابنا .لو حد قالك ماهم خلاص هيعملوا انتخابات رئاسة قوله اللى هيديرها هو اللى كان بيدافع عن تزوير الإنتخابات فى عهد مبارك .لو حد سألك انت ليه هتعمل عصيان مدنى قوله علشان فلوسى اللى بدفعها للدولة بيشتروا بيها رصاص وقنابل غاز بيقتلوا بيها ولادنا .أوعى تصدق ان اللى بتعمله دا ضد البلد ودعوة للتخريب والفوضى بالعكس انت بتحب البلد دى وعاوزها تبقى فعلا بتاعتك وبتخدمك مش مسروقة من شوية حرامية المجلس العسكرى بيحميهم
وقام الداعون للاضراب العام والعصيان المدني بعمل عدة دعوات علي موقع التواصل الاجتماعي facebook
ومن المثير للجدل مشاركة بعض الاهالي الذين يطلق عليهم حزب الكنبة ( وذلك لعدم مشاركتهم في الاحداث ) في العصيان المدني
المشاركات
ليست هناك تعليقات:
إرسال تعليق