شن اليوم عدد من نشطاء موقع التواصل الاجتماعي facebook عدة حملات
مقاطعة لشركات المحمول الثلاث اطلقوا عليها (اقتلني شكراً) دعوا فيها
الي اغلاق التليفونات المحمولة (الموبيلات) اياً كانت الشركة المتعامل معها
كنوع من الاحتجاج علي قطع الاتصال في ذكري (جمعة الغضب) والتي كانت
في نفس هذا التوقيت العام الماضي .
وارسل النشطاء عبر هذه الحملة رسالة الي شركات المحمول الثلاث وكان نصها :-
عرض المصريين لكل شركات المحمول والانترنت :
(( هنقفل التليفونات يوم 28 يناير 2012 ))
عشان نقولكم.... *شكراً لمساعدتكم في قتـل الثــوار يوم28 ينــاير
* شكراً لتسجيل المكالمات لمساعدة أمن الدولة لقتل المصرييـن
*شكرا على حرمانكم لشـهيد أنه يكلم أهله قبل مايموت
*شكراً لشركة الانترنت لقطع النت بشكل كامل يوم 28
وارسل النشطاء ايضاً رسالة اخري مؤثرة لجماهير الشعب المصري يحثهم فيها
علي المشاركة في الحملة وكان نصها :-
دعوتنا إنك بس تفتكر موقف شبكات المحمول الثلاثة لما حاولت إنها تساعد النظام
وهى سلبت منه الخدمة دى فى أشد وقت إحتاج لها فيه
إفتكر كل أم وأب حاول يطمن على ولادة ومعرفش بسببها
إفتكر حالتك النفسية فى اليوم ده وإنت بدور على أصحابك وخوفك إنهم يكون حصلهم حاجة
إفتكر شهيد معرفش يستنجد بأهله أو أصدقاؤة لأن الشبكات قطعت الخدمه عن الشعب
إفتكر الذل اللى عشنا فيه طول اليوم ده كانت الشبكات دى سببه وكانت بتحاول تساعد نظام فاسد
ضد شعب أعزل
يوم واحد بس هنفتكرهم لما نقاطعهم
ونفكرهم إننا مواطنين لينا حق علينا
بندفع فلوس مقابل خدمه تتوفر لنا
مش بندفع فلوس علشان تساعد فى قتل إخواتنا وأهلنا
يوم 28/يناير القادم دعوة ياريت نلبيها
لو القضاء معرفش يرد لنا حقنا بتعويض
إحنا مش طالبين تعويض
حق الشهداء ودمهم كان سببه كل شخص كان بيساعد النظام الفاسد ضد شعب طيب جميل صابر على كل شئ
لكن معدش هيصبر تانى على الذل
مدونة the true 25 jun
المشاركات
ليست هناك تعليقات:
إرسال تعليق